"संस्कृति र प्रकृति हाम्रो सम्पति"

header AD

हाम्रो मिशन

"संस्कृति र प्रकृति हाम्रो सम्पत्ति"

१. दीर्घकालीन दृष्टि (Vision) “संस्कृति र प्रकृति हाम्रो सम्पत्ति” भन्ने मूल मान्यतालाई आत्मसात् गर्दै प्राकृतिक सम्पदा, जैविक विविधता, ऐतिहासिक तथा सांस्कृतिक पहिचानको संरक्षण र प्रवर्द्धनमार्फत दिगो पर्यटन, समावेशी विकास, सुशासन र समृद्धिमा आधारित सुन्दर, स्वच्छ, सभ्य, समुन्नत तथा आत्मनिर्भर लालीगुराँस नगरपालिका निर्माण गर्ने। २. लक्ष्य (Goal) नगरपालिकाभित्र रहेका प्राकृतिक, सांस्कृतिक, धार्मिक, ऐतिहासिक तथा पर्यटकीय सम्पदाको संरक्षण, संवर्द्धन र दिगो उपयोग गर्दै स्थानीय उत्पादन, कृषि, पशुपालन, पर्यटन, उद्यमशीलता तथा रोजगारीका अवसर विस्तार गरी आर्थिक, सामाजिक, सांस्कृतिक र वातावरणीय रूपमा समृद्ध नगर निर्माण गर्ने। ३. उद्देश्यहरू (Objectives) नगरपालिकाका समग्र विकासका लागि निम्न उद्देश्यहरू निर्धारण गरिएका छन्। १. प्राकृतिक सम्पदाको संरक्षण तथा संवर्द्धन वन, वनस्पति, जलाधार, नदी, खोला, जैविक विविधता तथा वातावरणको संरक्षण गर्ने। जलवायु परिवर्तनका असर न्यूनीकरण तथा विपद् जोखिम व्यवस्थापनलाई प्रभावकारी बनाउने। स्वच्छ, हरित र वातावरणमैत्री नगरको विकास गर्ने। २. कला, संस्कृति र सम्पदाको संरक्षण स्थानीय भाषा, धर्म, संस्कार, संस्कृति, कला, साहित्य, भेषभूषा, रहनसहन र परम्पराको संरक्षण तथा प्रवर्द्धन गर्ने। ऐतिहासिक, धार्मिक तथा सांस्कृतिक सम्पदाको पहिचान, अभिलेखीकरण र संरक्षण गर्ने। मौलिक सांस्कृतिक पहिचानलाई भावी पुस्तासम्म हस्तान्तरण गर्ने। ३. पर्यटन विकास तथा प्रवर्द्धन प्राकृतिक, सांस्कृतिक, धार्मिक तथा साहसिक पर्यटनको सम्भावना पहिचान गरी पर्यटन पूर्वाधार विकास गर्ने। स्थानीय पर्यटकीय गन्तव्यहरूको राष्ट्रिय तथा अन्तर्राष्ट्रिय स्तरमा प्रचारप्रसार गर्ने। पर्यटनमार्फत स्थानीय रोजगारी, आयआर्जन र आर्थिक समृद्धि अभिवृद्धि गर्ने। ४. कृषि तथा पशुपालनको आधुनिकीकरण व्यावसायिक, आधुनिक, जैविक तथा वातावरणमैत्री कृषि प्रणालीको विकास गर्ने। स्थानीय कृषि तथा पशुजन्य उत्पादनको व्यावसायीकरण, बजारीकरण र मूल्य अभिवृद्धि गर्ने। कृषकको आयस्तर वृद्धि गर्दै कृषि क्षेत्रलाई आत्मनिर्भर र प्रतिस्पर्धी बनाउने। ५. आर्थिक विकास तथा रोजगारी सिर्जना स्थानीय स्रोत, साधन, सीप र प्रविधिमा आधारित उद्योग, व्यवसाय तथा उद्यमशीलताको विकास गर्ने। युवा, महिला तथा लक्षित समुदायलाई स्वरोजगार र रोजगारीका अवसर सिर्जना गर्ने। स्थानीय उत्पादन, हस्तकला तथा परम्परागत सीपको संरक्षण र व्यावसायिक प्रवर्द्धन गर्ने। ६. गुणस्तरीय शिक्षा तथा स्वास्थ्य सेवा सबै नागरिकको पहुँचमा गुणस्तरीय, प्राविधिक, व्यावसायिक तथा जीवनोपयोगी शिक्षा पुर्‍याउने। आधारभूत स्वास्थ्य सेवा, पोषण, सरसफाइ तथा सुरक्षित खानेपानीको पहुँच सुनिश्चित गर्ने। स्वस्थ, शिक्षित, दक्ष र सिर्जनशील मानव पुँजी निर्माण गर्ने। ७. पूर्वाधार तथा व्यवस्थित सहरी विकास सडक, पुल, भवन, खानेपानी, सिँचाइ, विद्युत् तथा सञ्चार पूर्वाधारको दिगो विकास गर्ने। भूउपयोग योजना तथा बस्ती विकास योजनाका आधारमा व्यवस्थित र सुरक्षित बस्ती निर्माण गर्ने। विकास निर्माणका कार्यलाई वातावरणमैत्री, गुणस्तरीय र दिगो बनाउने। ८. सामाजिक समावेशीकरण तथा समानता महिला, बालबालिका, ज्येष्ठ नागरिक, अपाङ्गता भएका व्यक्ति, दलित, आदिवासी जनजाति तथा सीमान्तकृत समुदायको अधिकार र सहभागिता सुनिश्चित गर्ने। लैङ्गिक समानता, सामाजिक न्याय तथा समावेशी विकासलाई संस्थागत गर्ने। सामाजिक सद्भाव, सहिष्णुता र एकतालाई प्रवर्द्धन गर्ने। ९. सुशासन तथा संस्थागत विकास पारदर्शी, जवाफदेही, उत्तरदायी, जनमुखी र प्रविधिमैत्री स्थानीय शासन प्रणाली विकास गर्ने। सार्वजनिक सेवा प्रवाहलाई सरल, सहज, छिटो र प्रभावकारी बनाउने। जनसहभागिता, सार्वजनिक उत्तरदायित्व र भ्रष्टाचारमुक्त प्रशासनलाई प्रवर्द्धन गर्ने। १०. दिगो विकास तथा भावी पुस्ताको सुनिश्चितता प्राकृतिक तथा सांस्कृतिक सम्पदाको उपयोग गर्दा भावी पुस्ताको अधिकार र आवश्यकतालाई प्राथमिकता दिने। दिगो विकासका लक्ष्यलाई स्थानीय योजना तथा कार्यक्रमसँग आबद्ध गर्ने। आर्थिक समृद्धि, सामाजिक न्याय, सांस्कृतिक पहिचान र वातावरणीय सन्तुलनबीच सामञ्जस्य कायम गर्ने।